السلام عليكم
ازيكم يا جماعة
نقدم لحضراتكم ...بحب النــــور
:)
الحقيقة وبعد تفكير عميق وايماناً بفكرة المدونات ودورها المؤثر فى تنمية الفرد والمجتع لقيت نفسى بعمل المدونة دى .
مش عارف بصراحة الوقت والدراسة والظروف هايسيبونى اعرف اكمل فيها ولا لا ، بس انا فجأه حسيت انى محتاج اعمل المدونة دى اوى وحسيت كمان انى عايز اتكلم واكتب واعبر واشارك الناس والناس يشاركونى فى اهتماماتى وتأملاتى ، افكارى وتطلعاتى
بحب النـــور
هتكون ان شاء الله عباره عن يوميات - مواقف و احداث- خواطر وتأملات - نرصد فيها سوياً بعض المشاكل (فردية او اجتماعية) - نتواصل و نتبادل الخبرات وحاجات تانية ان شاء الله
اتمنى ان الغرض منها يتحقق وان محدش يزهق منى
اما بخصوص بحب النــــور ، فهى تعبر عنى وعنك وعن ناس كتير
تعبر عن مجتمع بأكمله بيحب النور وبيحلم بيه
و
دلوقتى
تعاااااااااالوا بينا نحب النور مع بعض ونحلم بيه هنا
Mo3Az
18 comments:
ما شاء الله
بداية روعة يا دكتور
ربنا يوفقك ياارب و نشوف مدونتك بتأثر زي ما انت تحب بالظبط
بداية رائعة
سلاام
السلام عليكم و رحمه الله و بركاته
مدونة جميلة من اسمها بحب النور
لاننا فعلا كلنا بنحب النور
و بنسعى اليه فى كل حياتنا
و منظرة البوستات الجديدة
عياش
مش عارف والله اقولك ايه على التعليق الجميل دا
(F)(F)
ربنا يكرمك يا رب
والمدونة نورت يا جميل
عايزين نشوفك على طول
ronnata
ربنا يخليكى دا بس من زوقك
وعندك حق ، كلنا بنحب النور وبندور عليه
ان شاء الله اكون عند حسن الظن فى البوستات الجاية ، بس دعواتك بس ان ربنا يسهل لى واعرف اكمل
مرة تانية شكرا على التعليق الجميل
كلنا النور لأنه الخق وفيه بيحصل الخير بس الاهم من حب النور هو حب الحق لأن الحق فى النور وفى الضلام
بس انا عارف اختيار الاسم بيخضع لحاجات تانيه يعنى الاسم اللى يعلق
يلا عايزين حاجات جامده وكويسه
سلااام يا باشا
wa3d-el3yoon
الف شكر يا عم على التعليق الجميل دا
اكيد طبعا حب الحق اهم شىء على الاطلاق فبالحق قامت السماوات والارض .
بس الحقيقة "بحب النــور"ليها دلالات معينه عندى
وزى ما قلت انها تعبر عن مجتمع بأكمله بيحلم بالنور
مش عارف اقولك ايه والله
بس فعلا انا سعيد انى قابلتك واتمنى انى اشوفك على طول
(f)
السلام عليكم ورحمة الله وبركاته
قال الله تعالى:
"يهدى الله لنوره من يشاء"
اللهم اجعلنا ممن يحبون النور..
وربنا يجمعنا دايما فى مدونة "بحب النور" على حب النور وحب كل ما يحبه الله ورسوله
بداية موفقة ان شاء الله
سلام.
فعلا والله يا معاذ
رمضان مر بسرعة جدا..
يقال ان اصحاب القبور لو تمنوا شيئا، لتمنوا ليلة من ليالى رمضان..
وها نحن فى اجمل ليالى رمضان..
تنادى علينا..
يا باغى الجنة، اقبل..
اللهم اجعلنا واياك من المعتوقين من النار فى هذا الشهر الكريم
السلام عليكم
كل سنه وانت طيب
واهلا بيك يامعاذ فى عالم التدوين
لونى لسه صغيره على الكلمه دى
تحياتى .......
بدايه موفقه
جميل ان يبقى اول بوست ليك باسم الله
ربنا يوففك ويكرمك ان شاء الله
عالم المدونات عالم جميل للى يقدر يستغله صح ..المدونات هتضيفلك وانا شايفه كمان ان انت ان شاء الله هتضفلها
بالنسبه لاسم المدونه بحب النور....الله
اسم جميل جدا وخصوصا ان فى ايه فى القرأن فى سورة النور جميله جدا
انا هكتبها ان شاء الله فى بوست قريب جدا باسم نور على نور
ده لو احنا اخدنا بالمعنى ده زى ما ولاء قالت وانا معاها فى المعنى ده
وفى معنى الحق زى ما وعد العيون قال
وفى معانى كتير المهم انه الحمد لله نور
ربنا ينور بمدونتك المدونات كلها
ويبلغنا ليلة القدر ويعتق رقابنا من النار...امييييين
تحياتى ..منتظرين المزيد
ولاء
اختى الحبيبة
تعليق غالى من اغلى الناس
ربنا يسمع منك ويجعلنا ممن يحبون النور
ما عنديش كلام اقوله لان مهما قلت مش هاعرف اوفيكى حقك يا اغلى الناس
ربنا يخليكى ليا يا رب وما يحرمنيش منك
سلامى لنونوس ونيمو
وياريت تحنوا علينا ونشوفكم قبل العيد
(f) (f)
soka
وانتى طيبة
نورتينى والله
ولا صغيرة ولا حاجة دا ما شاء الله مدونتك جميلة جدا والله ربنا يجزيكى خير
ونتمنى نشوفك على طول
kitty
يااااااه
ربنا يعزك يارب
كلام جميل جدا والله
ربنا يجزيكى خير
وننتظر بوست نور على نور بشده وان شاء الله يكون بوست جميل
امين يارب بلغنا ليله القدر
متشكر بجد على الكلام الرقيق دا
وان شاء الله نكون عند حسن الظن
وننتظر زياراتك
ما خُلقت الدنيا للراحة .. فكلما شعرت بالتعب فاعلم انك على الطريق الصحيح..
ومن يتهيب صعود الجبال .. يعيش ابد الدهر بين الحفر
أخي الحبيب .. بداية أهدي لك أحر الأمنيات بالتوفيق والقبول ونحن في أيام العتق
وياسلاااااااااام على الاسم الروعة .. اسم يبعث على الاطمئنان وعلى الأمل (بحب النور)
دايما متألق يامعاذ ودايما كبير
كبير بأحاسيسك ..
كبير بتواضعك ..
كبير بتفانيك ..
في انتظار جديدك يابرنس .. وطلتك البهية في أحلى وأجمل البوستات
((أخوك المحب))
اخويا وحبيبى
ابو حنين
ربنا يخليك ليا يا رب وما يحرمنيش منك ابدا
وحشتنى والله جدااااا ونفسى نقعد مع بعض تانى زى زمان ونقطع بعض شطرنج او age of empires
ههههههههههههه
ربنا يجمعنا على خير قريب ان شاء الله
وبعدين ايه التعليق الجامد دا ، ما اقدرش انا على كدة :$
سلامى لحنونة وزومة اللى هو ابو تريكة مستقبلاً ان شاء الله :)
وخلينا نشوفك
(f) (f)
الله يامعاذ..فكرة مدونتك جميلة
ومين فينا مش بيحب النور..وكلمة الحق
ربنا معاك وان شاء الله اشوفلك بوستات كتير قريب ودي مش حتبقي اخر زياره ليا
وعلي فكرة الاغنيه جميله اوي
تحياتي
سلسبيل
ربنا يعزك يارب على الكلام الجميل
جزاكم الله خيراً
نورتى المدونة وتنورى فى اى وقت :)
اما بخصوص البوستات الكتير :)
ربنا يسهل ويبارك فى الوقت باه
نسألكم الدعاء
:)
Post a Comment