السلام عليكم
ازيكم يا جماعة
كل عام وانتم بخير ويارب دايماً فى صحة وسعادة
كنت قد وعدت بوقف الكتابة فى المدونة الى ما بعد انتهاء الامتحانات
ولكن لم اتمالك نفسى بعد قراءة هذا الخبر فقررت الكتابة
-------------------------------
استيقظت فجراً استعداداً لبدء يوم جديد استعداداً للامتحانات وعقلى مشغول بكيفية تنظيم اليوم وهزاكر ايه الاول
وبعد ان صليت الفجر جلست امام الكومبيوتر للاطلاع على جديد الاخبار قبل المزاكرة كالعادة
فوجدت ما اثار فى نفسى شجون غير طبيعى
جمع من سكان بولندا يقفون امام احدى نقاط الحدود بين بولندا والمانيا فى لحظات ما قبل فتحها
فقد قرر الاتحاد الاوروبى توسيع ما يسمى بفضاء شنجن ليشمل 24 دولة اوروبية
فمن منتصف الليلة الماضية اصبحت هذه ال 24 دولة فى الاتحاد الاوروبى كياناً واحداً
فبعد توحيد العملة
هاهم يفتحون الحدود تماماً والانتقال من بلد الى اخر يتم بالبطاقة فقط دون الحاجة الى جواز السفر
حتى تكتمل الوحدة
والمواطنون يحتفلون بهذا الحدث العظيم
تبادر الى ذهنى بسرعة
طب واحنا ؟؟
فرأيت خبراً اخر فى نفس الموقع يفيد بان اخوانا فى العراق انقسموا ازاء الاحتفال بعيد الاضحى المبارك
فالسنه احتفلوا به فعلا بدءاً من يوم الاربعاء
اما الشيعة فيبدأ العيد عندهم اليوم الجمعة
ناهيك عن الخصومات السياسية المشهورة بين بعض الدول العربية والاسلامية وما حرب الخليج عنا ببعيد
وهالنى ان اعرف ان الحدود بين المغرب والجزائر مغلقة منذ امد طويل
فشعرت بحنين غير طبيعى لسماع النشيد المحبب
يا امة المليار
يا امة المليار هايشق الليل نهار
ويعيد لنا ارضنا ويرجع اللى إنهار
فخرجت الى البلكونة فوجدت الجو بارد جدا والسماء بها غيوم كثيفة
وشردت قليلا
...... فلسطين-العراق-افغانستان-باكستان-لبنان -الصومال-حتى احنا كمان
... فاشتقت الى تلك الايام
.... ايام الناصر وخالد
.... ايام الفاتح
: فوجدت النشيد يقول
من الفرقة الكل ضل
فى البعد ذقنا الذل
وعشان وحدة شعوبنا
اسلامنا هو الحل
مش عارف الحقيقة اهنى اخوانا الاوربيون
ولا اقولهم ان الالة الاستعمارية بتاعتكم زمان فرضت القيود علينا وها انتم الان ترفعوا القيود من عندكم
مش عارف اقول ايه
فقولت يارب
: فوجدت النشيد يقول مرة اخرى
يا امة المليار هايشق الليل نهار
ويعيد لنا ارضنا ويرجع اللى إنهار
فقلت يااااااارب
اسأل الله ان يستخدمنا ولا يستبدلنا
وان يعجل لنا بفجر جديد
ويقر اعيننا بوحده امتنا
ونهضة وعزة بلادنا
-----------------
كان هذا بعض مما شعرت به بعد قراءة الخبر
الساعة دلوقتى 8 و ربع والمفروض ان الريست خلص
والمفروض اقوم عشان اكمل
ادعولى يا جماعة بالله عليكم
ونتقابل بعد الامتحانات ان شاء الله
:)
Mo3Az
: فوجدت النشيد يقول
من الفرقة الكل ضل
فى البعد ذقنا الذل
وعشان وحدة شعوبنا
اسلامنا هو الحل
مش عارف الحقيقة اهنى اخوانا الاوربيون
ولا اقولهم ان الالة الاستعمارية بتاعتكم زمان فرضت القيود علينا وها انتم الان ترفعوا القيود من عندكم
مش عارف اقول ايه
فقولت يارب
: فوجدت النشيد يقول مرة اخرى
يا امة المليار هايشق الليل نهار
ويعيد لنا ارضنا ويرجع اللى إنهار
فقلت يااااااارب
اسأل الله ان يستخدمنا ولا يستبدلنا
وان يعجل لنا بفجر جديد
ويقر اعيننا بوحده امتنا
ونهضة وعزة بلادنا
-----------------
كان هذا بعض مما شعرت به بعد قراءة الخبر
الساعة دلوقتى 8 و ربع والمفروض ان الريست خلص
والمفروض اقوم عشان اكمل
ادعولى يا جماعة بالله عليكم
ونتقابل بعد الامتحانات ان شاء الله
:)
Mo3Az
13 comments:
السلام عليكم ورحمته وبركاته
كل سنه وانت طيب يامعاذ معلش كتبتها متاخر جدا
احنا الان اصبحنا كزبد البحر ...احنا كتير بس للاسف من جوا ماعندناش امل فى اى حاجه نظرا للحروب والفساد والظلم اللى بنشوفه فى بلدنا
وبعدين انا زعلت جدا جدا من خبر تفاوت ايام العيد ده بجد
انا اتخنقت اوى لان انا اكتر حاجه بحبها فى العيد ان كل المسلمين بتبقى فرحانه فى وقت واحد بنصلى فى وقت واحد وبنكبر تكبيرة العيد فى نفس الوقت
سبحان الله
بقى حتى الحاجه دى اختلفنا فيها اذاكنا مختلفين فى ديننا يبقى ازاى هنتحد فى الدول والافكار احنا ناقصلنا كتييييير اوى
حسبنا الله ونعم الوكيل
اللى عاجبنى فى الدول الاوربيه انهم اتحدوا باختلاف الاديان واختلاف الافكار
بجد فعلا البوست ده مش عارفه اعلق اقول ايه اكتر من كده :((
عامة ربنا يوفقك ان شاء الله فى امتحاناتك
واكيد يااااااااااااااااارب نتحد قريب وفجر الامل يشقشق من جديد فى قلوبنا وعقولنا اللهم امييييييييييين
كل سنه وانت طيب
ويارب يوفقك فى امتحانتك
وان شاء الله بالنجاح الباهر
وربنا ينور بصيرتنا
ويولى امرنا من يتقى الله
ويصلح حالنا يارب
موضوع مهم جدا جدا
وباسلوب جميل
تحياتى لك
كل عام وانتم بخير وادعوكم لمشاهدة موضوع فضيحة جامعة القاهره وهذا الموضوع اقسم انه حقيقي
تحياتى
لا حول ولا قوة الا بالله العلي العظيم
شئ محزن فعلا
في الوقت ان الناس الغير مسلمين يتوحدوا ويجتمعوا مع بعض على الأصلاح
نجد ان المسلمين الذين قال لهم الله " واعتصموا بحبل الله جميعا ولا تفرقوا "
كل واحد مع نفسه ولا بيسأل عن أخوه ليس الذي في بلد مجاور له فقط بل وصلت أننا لا نعرف جيراننا ..ما اسمهم؟!
السلام عليكم
هو انت مش كنت قولت فاصل ونواصل انا لسه شايفه البوست دهدالوقتى
كل سنه وانت طيب وسنه هجريه وميلاديه سعيده عليك يارب وتحقق كل أحلامنا
وكلنا أشتاقنا لايام دى يا معاذ بس ما باليد حيله هنعمل ايه
ربنا معاك فى المذاكره وتعدى الامتحانات على خير يارب
السلام عليكم ورحمة الله وبركاته
كل سنة وحضرتك طيب معلش ده اول مرة اكتب تعليق لكن انا قارئة مستديمة
كلامك حزنى على حالنا دلوقتى
زمان مش زمان اقوى كانوا بيقولوا المشكلة فى صدام والله أعلم لكن انا اعتقد العكس ان هو كمان كان ضحية ومهما عمل مش المفروض يكون ده جزائه لكن انت بتكلم مين
زمان ايام إعدادى وثانوى كنت بكره حكاية القومية العربية كره العمى وسبحان الله كتبوا وعملوا معاهدات بالهبل ولا واحدة اتنفذت ماعلينا
ان شاء الله يكون الرب فى العون ويتم التوحيد علي خير السنة اللى مش جاية واللى يضايق كل سنة يقولوا السنة القادمة يلا يا مسهل
يا رب تتوفق فى امتحاناتك وتكتسب علم تنفع به هذة الامة ان شاء الله تكون فرد مسلم على حق
تحياتى
سمر
السلام عليكم
موضوع جميل فعلا وياريت الكلام ياثر
ياريت كل واحد يعمل حاجة
ياريت بعد ما نقرا ونقتنع نشتغل ونعمل ياريت ما نفضلش ننتقد وننتقد
لا ننتقد ونصلح ونشتغل ونوقف بلدنا
ونوحد كلمتنا ولما ندعى ربنا ندعيه واحنا بنشتغل فعلا وربنا اكيد هيستجيب
كتبت قصيدة اسمها حوار مع القلم
فى اخرها
وانا بكلم القلم بتاعى بردة فى لحظه تعجب من اللى بيحصل
قولت
انظر إلى هذى الآلام انظر إلي عمق الجروح
النار تلتهم الخضار الذئب يعوي والغراب ينوح
من بين طلق وانفجار من بين ذل وانكسار
اسمع إلي حلي وفكر حاول أن تشاركني الحوار
الحل ليس بمستحيل هو أن نوحد ربنا ونستعيد ديننا
هو أن نوحد خالقٌ جبار
هو أن نردد كلمه تعلو بنا في كل مسجد في الديار
الله اكبر بها نسترد أرضنا بها نستعيد الانتصار
لا تندهش وتقول لي مات السلام
لا لم يمت ستأتي لحظة الانتقام
سنسترد أرضنا من بين أنياب اللئام
وسترتفع راياتنا ستطير أسراب الحمام
اسف للاطاله بس الموضوع خلانى اطول
لانه فعلا واخد تفكيرى اوى وكتبت فيه مسبقا سبحان الله
تحياتى يا استاذ معاذ
وربنا يوفقك فى امتحاناتك
اولا شكراً لكم جميعا على المرور الكريم
(F)
وانا اسف على تأخرى فى الرد ، بس كان علشان الامتحانات
الحمد لله انا خلصت امبارح والامور تمام ، وربنا يكرم
نسألكم الدعاء
حبيبة
وحضرتك طيبة
فعلا حاجة تزعل اوى ، يارب يعجل لنا بهذا اليوم اللى نفرح فيه بعزة بلادنا ان شاء الله
زيارة كريمة يا فندم
(F)
-----------
klmat
وحضرتك طيبة
ربنا يخليكى يارب
انا فعلا محتاج الدعاء
ونسأل الله ان يستجيب
نورتينا يا فندم
وشكرا على المتابعة
(F)
--------
nour el 3ozamaa
وانت طيب حبيبى
حاضر هاروح اشوف :)
مسلمة
فعلا وضع مؤسف
نسأل الله العفو
ان الله لا يغير ما بقوم حتى يغيروا ما بأنفسهم
زيارتك اسعدتنا
:)
------------
حياه الاحلام
:$
معلش يا فندم
ماهو انا قلت فى الاول انى ما عرفتش امسك نفسى بعد الخبر
:)
وحضرتك طيبة
ربنا يسهل لنا الحال
بس ان شاء الله فى اليد حيلة
ان الله لا يغير ما بقوم حتى يغيروا ما بأنفسهم
نورتينا يا فندم
BANOTA MASSRIYA
تسعدنى متابعتك للمدونة
(F)
هو للاسف الحكام ككل صدام باه او غيره بيبصوا تحت رجلهم وفاكرين ان مصلحتكم مع امريكا وضد شعوبهم وان الشععوب رعاع عايزين ينقضوا على الحكم
فى حين ان الحكام دول لو انحازوا الى الشعب والله يعيشوا فى هنا والناس تشيلهم فوق راسها
اما بخصوص القومية ، فالاسلام يحث على الوحده وحب الاوطان ويشجع العمل على ذلك
ما فرطنا فى الكتاب من شىء
نسال الله السلامة
زيارتك اسعدتنى يا فندم واتمنى تكرارها
-------------
mohamed
الله على الكلام يا فندم
بجد كلام متميز
ربنا يكرمك يارب ويتقبل منك
عجبنى اوى البيت
الله اكبر بها نسترد أرضنا بها نستعيد الانتصار
:)
نورتنى يا فندم
(F)
السلام عليكم
هنئ الاوروبيين بالوحدة
وأنعي للمسلمين الفرقة
خواطر جميلة
قليل من التفكير
فعلا عندك حق
ولكن ما فى القلب فى القلب من اتفاقياتهم المشبوهة والتى قسمت عالمنا العربى والاسلامى الى دويلات بفعل هذه الدول الاستعمارية
جزاك الله خير على الزيارة الكريمة
Post a Comment